Wednesday , July 28 2021

ਜਾਣੋ ਕੌਣ ਹੈ ਇਹ ਬੱਚਾ ਅਤੇ ਯੁਵਰਾਜ ਸਿੰਘ ਨੇ ਇਸ ਬੱਚੇ ਨਾਲ ਅਜਿਹਾ ਕੀ ਕੀਤਾ ਕਿ…

 

ਆਪਣੇ ਬੁਲੰਦ ਹੌਂਸਲੇ ਦੇ ਦਮ ਨਾਲ ਕੈਂਸਰ ‘ਤੇ ਫਤਹਿ ਪਾਉਣ ਵਾਲੇ ਸਟਾਰ ਕ੍ਰਿਕਟਰ ਯੁਵਰਾਜ ਸਿੰਘ ਨੇ ਅੱਜ ਆਪਣੇ ਇੱਕ ਅਜਿਹੇ ਪ੍ਰਸ਼ੰਸਕ ਦੀ ਮੁਰਾਦ ਪੂਰੀ ਕੀਤੀ ਜੋ ਖੁਦ ਕੈਂਸਰ ਦੀ ਬਿਮਾਰੀ ਨਾਲ ਜੂਝ ਰਿਹਾ ਹੈ |

ਇਸ ਛੋਟੀ ਉਮਰ ਦੇ ਕੈਂਸਰ ਮਰੀਜ਼ ਦਾ ਨਾਮ ਹੈ ਰਾਕੀ ਦੁਬੇ ਹੈ । 11 ਸਾਲ ਦੇ ਰਾਕੀ ਦੀ ਕੱਲ੍ਹ ਇੱਕ ਨਿਜੀ ਹਸਪਤਾਲ ਵਿੱਚ ਕੀਮੋ ਥੈਰੇਪੀ ਹੋਣੀ ਹੈ । ਨਿਸ਼ਾਂਤ ਦੁਬੇ ਅਤੇ ਹਰਸ਼ਾ ਦੁਬੇ ਦੇ ਬੇਟੇ ਰਾਕੀ ਦੀ ਦਿਲੀ ਇੱਛਾ ਸੀ ਕਿ ਉਹ ਯੁਵਰਾਜ ਸਿੰਘ ਨਾਲ ਮਿਲੇ। ਪਿਛਲੇ ਸਾਲ ਇੰਦੌਰ ਵਿੱਚ ਆਈਪੀਐੱਲ ਮੈਚ ਦੇ ਦੌਰਾਨ ਵੀ ਉਨ੍ਹਾਂ ਨੇ ਯੁਵਰਾਜ ਨੂੰ ਮਿਲਣ ਦੀ ਕੋਸ਼ਿਸ਼ ਕੀਤੀ ਪਰ ਸਫ਼ਲ ਨਹੀਂ ਹੋ ਸਕੇ ।

ਮਿਲੀ ਜਾਣਕਾਰੀ ਦੇ ਅਨੁਸਾਰ ਇਸ ਵਾਰ ਜਿਵੇਂ ਹੀ ਯੁਵਰਾਜ ਸਿੰਘ ਨੂੰ ਇਸ ਗੱਲ ਦਾ ਪਤਾ ਚੱਲਿਆ ਤਾਂ ਉਨ੍ਹਾਂ ਨੇ ਰਾਕੀ ਨੂੰ ਮਿਲਣ ਲਈ ਬੁਲਾਇਆ । ਦਸਣਯੋਗ ਹੈ ਕਿ ਯੁਵਰਾਜ ਸਿੰਘ ਨੇ ਨਾ ਕੇਵਲ ਰਾਕੀ ਨੂੰ ਕ੍ਰਿਕੇਟ ਮੈਚ ਦੇਖਣ ਲਈ ਬੁਲਾਇਆ ਸਗੋਂ ਉਸਨੂੰ ਟੀਮ ਦੀ ਟੀਸ਼ਰਟ ਅਤੇ ਕੈਪ ਵੀ ਦਿੱਤੀ ।

ਜ਼ਿਕਰਯੋਗ ਹੈ ਕਿ ਯੁਵਰਾਜ ਸਿੰਘ ਕੈਂਸਰ ਪੀੜਤਾਂ ਲਈ ਯੂਵੀ ਕੈਨ ਨਾਮਕ ਫਾਉਂਡੇਸ਼ਨ ਚਲਾਉਂਦੇ ਹਨ । ਕਿੰਗਸ ਇਲੇਵਨ ਪੰਜਾਬ ਦੀ ਟਵਿਟਰ ਉੱਤੇ ਅਪਲੋਡ ਕੀਤੇ ਗਈ ਤਸਵੀਰ ਵਿੱਚ ਯੁਵਰਾਜ ਸਿੰਘ, ਰਾਕੀ ਦੇ ਨਾਲ ਨਜ਼ਰ ਆ ਰਹੇ ਹਨ ।

ਰਾਕੀ ਦੇ ਪਿਤਾ ਨੇ ਕਿਹਾ ਕਿ ਯੁਵਰਾਜ ਸਿੰਘ ਨੇ ਉਨ੍ਹਾਂ ਤੋਂ ਰਾਕੀ ਦੇ ਰੋਗ ਬਾਰੇ ਜਾਣਕਾਰੀ ਲਈ ਅਤੇ ਡਾਕਟਰਾਂ ਦੀ ਰਾਏ ਵੀ ਪੁੱਛੀ । ਪਿਤਾ ਨੇ ਦੱਸਿਆ ਕਿ ਡਾਕਟਰਾਂ ਨੇ ਰਾਕੀ ਨੂੰ ਲੈ ਕੇ 50 ਫ਼ੀਸਦੀ ਮੌਕੇ ਦੀ ਗੱਲ ਕਹੀ ਹੈ ਤਾਂ ਯੁਵਰਾਜ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੀ ਵੀ ਇਹੀ ਹਾਲਤ ਸੀ ਅਤੇ ਅੱਜ ਉਹ ਉਨ੍ਹਾਂ ਦੇ ਸਾਹਮਣੇ ਖੜੇ ਹਨ ।

ਯੁਵਰਾਜ ਸਿੰਘ ਨੇ ਰਾਕੀ ਦੇ ਪਿਤਾ ਨੂੰ ਕਿਹਾ ਕਿ ਉਹ ਹਮੇਸ਼ਾ ਸਕਾਰਾਤਮਕ ਸੋਚ ਰੱਖਣ ਅਤੇ ਆਪਣੇ ਬੇਟੇ ਦੇ ਸਾਹਮਣੇ ਭਾਵੁਕ ਨਾ ਹੋਣ । ਹਮੇਸ਼ਾ ਅੱਛਾ ਹੀ ਸੋਚਣ । ਕਿੰਗਸ ਇਲੇਵਨ ਪੰਜਾਬ ਨੇ 12 ਮਈ ਨੂੰ ਇੰਦੌਰ ਵਿੱਚ ਕੋਲਕਾਤਾ ਨਾਇਟਰਾਇਡਰਸ ਨਾਲ ਮੁਕਾਬਲਾ ਕਰਨਾ ਹੈ ।